Thursday, September 29

क्रिकेट रंगशाला निर्माणमा भ्रष्ट्राचार गरेको भन्दै धुर्मुश–सुन्तली फाउन्डेशन विरुद्ध मुद्धा !

काठमाडौं । धुर्मुश–सुन्तली फाउन्डेशनविरुद्ध अख्तियारमा भ्रष्टाचारको उजुरी परेको छ । वेदप्रसाद भण्डारीले इमेल मार्फत फाउण्डेशन बिरुद्ध उजुरी गरेको अख्तियार दुरुपयोग अख्तियार दुरुपयोग अनुसन्धान आयोगले जनाएको छ ।

कलाकार सिताराम कट्टेल अध्यक्ष रहेको फाउण्डेशनले चितवनमा रंगशाला निर्माणका क्रममा भ्रष्टाचार गरेको भन्दै अख्तियारमा उजुरी परेको हो । उक्त फाउण्डेशनले चितवनको भरतपुरमा बन्दै गरेको गौतम बुद्ध अन्तर्राष्ट्रिय क्रिकेट रंगशाला निर्माणारम्भ गरेको थियो ।

फाउण्डेशनले दातृ निकाय, विदेशमा रहेका नेपाली श्रमिक तथा सरकारकाबाट रकम उठाएर रंगशाला निर्माण गर्ने प्रयास गर्ने प्रयास गरेपनि निर्माण सम्पन्न गर्न सकेको थिएन । वेदप्रसाद भण्डारीले निर्माणाधीन रंगशालामा विभिन्न निकायबाट उठाइएको रकम बराबरको खर्च नगरिएकोले भ्रष्ट्राचार गरेको भन्दै उजुरी दिएका हुन् ।

हाल प्राप्त उजुरी अख्तियारमा दर्ता भइसकेको जनाइएको छ । अब अनुसन्धानसमेत तत्काल हुने अख्तियारले जनाएको छ । हालसम्म रंगशाला निर्माणको भौतिक प्रगति भने जम्मा १४ प्रतिशत मात्रै सम्पन्न भएको छ । तर उता फाउण्डेशनले भने हालसम्म रंगशाला निर्माणका लागि ५४ करोड रुपैयाँभन्दा बढी खर्च भइसकेको विवरण प्रस्तुत गरेको छ ।

डिपीआर तयार गर्दा रंगशालालको निर्माण खर्च करिब ३ अर्ब लागतमा निर्माण हुने अनुमान गरिएको थियो । त्यसका साथै फाउण्डेशनका अध्यक्ष सिताराम कट्टेल (धुर्मस)ले रंगशाला निर्माणका लागि आश्वसन अनुसार सहयोग नभएको भन्दै १७ करोड ऋण लागिसकेको बताउदै आएका छन् ।

फाउण्डेसनले रंगशाला निर्माणको गन नसकेको भन्दै स्वामित्व ग्रहण गरिदिन भरतपुर महानगरलाई आग्रह गदै आएको छ ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0
सेयर गर्नुहोस
प्रतिक्रिया दिनुहोस!