Wednesday, September 28

मुसिकोटमा युवाहरुसगं उद्यमी विषयक अन्तरक्रिया कार्यक्रम सम्पन्न !

गोविन्द कंडेल, मुसिकोट गुल्मी : गुल्मीको मुसिकोट नगरपालिकामा छनौट भएका उत्कृष्ट १० उद्यमी र युवाहरुका बिच अन्तरक्रिया कार्यक्रम सम्पन्न भएको छ ।

दायित्व र मुसिकोट नगरपालिकासंगको साझेदारीमा उद्यमशिल मुसिकोट निर्माणको उद्देश्यले सञ्चालित नगरप्रमुख-दायित्व ग्रामीण उद्यम दु्रतिकरण कार्यक्रम अन्तर्गत् छनौट गरिएका उत्कृष्ट १० उद्यमी र युवाहरुकाबीचमा अनुभव आदानप्रदान र उद्यम द्रुतिकरण प्रतियोगीताका लागि तैयारी स्वरुप अन्तरक्रिया गरिएको हो ।

दायित्वका प्रतिनिधि कमल थापाको अध्यक्षतामा सम्पन्न कार्यक्रममा दायित्वका लुम्बिनी प्रदेश सयोंजक सञ्जय पोखरेलले दायित्वले उद्यमशील समाज निर्माणका लागि गरेको परिकल्पना साकार बनाउन सबैको साथ र सहयोग आवश्यकता रहेको भन्दै युवाहरुको भुमिका महत्वपूर्ण हुने बताउनुभएको थियो । उहाँले उद्यमीहरुले चरणबद्ध उद्यम अभिमुखिकरण, वित्तिय व्यवस्थापन सीप, बिजनेस क्यानभस, उद्यम चुनौती कला प्रशिक्षण, नेतृत्व विकास तालिम र उद्यम सम्बन्धित प्राविधिक प्रशिक्षण पाएको बताउनुभयो ।

सोही अवसरमा उत्कृष्ट २० उद्यमी हुन सफल प्रतियोगीहरुले आफुले यस कार्यक्रम मार्फत सफल उद्यम र उद्यमी बन्नका लागि आवश्यक धेरै कुराहरु सिकेको भन्दै ती सीप र तालिमलाई नयाँ उद्यमी र व्यवसायिहरुलाई पनि सल्लाह दिने बताएका थिए ।

दायित्वका प्रतिनिधि कमल थापाले उद्यमीहरुलाई अगाडी बढाउनका लागि यो कार्यक्रमले पुलको काम गर्ने भन्दै स्थानीय सरकार,वित्तिय संस्था र सरोकारवालाहरुलाई अभिभावकत्व ग्रहण गराई अनुदानलाई निरुत्साहित गर्ने र उद्यम र उद्यमीहरुलाई सफल बनाउने कार्यक्रमको लक्ष्य रहेको बताउनुभयो । यो कार्यक्रम किसानहरुमा समर्पित रहेको भन्दै उहाँले उद्यमको विकास,नीति अनुसन्धान र सरोकारवालाहरुलाई अपनत्व ग्रहण गराई समाजलाई उद्यमसगं जोड्न कार्यक्रम सफल रहने विश्वास व्यक्त गर्नुभयो ।

मुसिकोट नगरपालिकाले सक्षम उद्यमी निर्माण गर्ने उद्देश्यले सञ्चालन गरेको प्रतियोगितामा उत्कृष्ट १० पछि उत्कृष्ट २ जना उद्यमी विजेता घोषित हुनेछन । हाल उत्कृष्ट १० मा छनाेट भएका उद्यमीहरुले नेतृत्व विकास तालिम सहित रू ५०/५० हजार नगद प्राप्त गर्ने छन भने अन्तिम चरणबाट  बिजेता हुने २ जना उद्यमीहरूलाई जनही रु १/१ लाख नगद पुरस्कार सहीत पुरस्कृत गरिनेछ ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0
सेयर गर्नुहोस
प्रतिक्रिया दिनुहोस!